ព័ត៌មាននិងព្រឹត្តិការណ៍

　　នៅថ្ងៃទី ១៤ ខែមិថុនាឆ្នាំ ២០២០ (ថ្ងៃអាទិត្យ) អ្នកតំណាងសមាគមសម្ព័ន្ធអតីតសិស្សសាលារៀនទួនហ្វា​ មានលោក លីតិច និង លោកស្រី Zhang XueYing បានទៅគេហដ្ឋានរបស់គ្រូ​ Wu XueQun ដើម្បីមកធ្វើការចុះសួរសុខទុក្ខ។

　　អ្នកគ្រូ Wu គឺជាគ្រូបង្រៀនដ៏មានបទពិសោធន៍នៃសាលារៀនទួនហ្វាអស់រយៈពេល ២៦ ឆ្នាំ។ តាមការដឹងថា អ្នកគ្រូ Wu កំពុងតែមានជំងឺរាំរៃនាំពេលថ្មីៗនេះ ដូច្នេះសម្ព័ន្ធអតីតសិស្សទួនហ្វាបានទៅជួបគ្រូនោះជាពិសេស។ អាជីពជាគ្រូអាចនិយាយបានថាជាការងារដ៏មានតម្លៃ។ លោកគ្រូអ្នកគ្រូហាក់បីដូចជាទៀន ពួកគេដុតខ្លួនឯងដោយមិនរារេរ ដើម្បីធ្វើបំភ្លឺផ្លូវឱ្យសិស្សទាំងឡាយ។ ញើសឈាម និងការខិតខំរបស់អ្នកគ្រូ Wu ចំពោះសាលារៀនទួនហ្វាទាំងប៉ុន្មានឆ្នាំនេះនឹងត្រូវចងចាំដោយគ្រប់គ្នានៃគ្រួសាទួនហ្វា។ ក្នុងពេលជាមួយគ្នានេះ យើងសង្ឃឹមថាសិស្សទួនហ្វារបស់យើង ឬួមទាំងសិស្សានុសិស្សនៅទូទាំងប្រទេសអាចសិក្សា ត្រាប់តាមស្មារតីលះបង់ មិនអាត្មានិយមរបស់អ្នកគ្រូ Wu XueQun ។

　　គោលបំណងសំខាន់មួយរបស់សមាគមសម្ព័ន្ធអតីតសិស្សសាលារៀនទួនហ្វាគឺយកចិត្តទុកដាក់ដល់ជីវភាពរបស់លោកគ្រូអ្នកគ្រូចាស់ជរានៃសាលាទួនហ្វា ស្វែងយល់ពីស្ថានភាពបច្ចុប្បន្នរបស់គ្រូបង្រៀន ហើយព្យាយាមតាមលទ្ថភាពក្នុងការផ្តល់ជំនួយឱ្យទាន់ពេលវេលា។ នៅពេលអនាគតសមាគមនឹងខិតខំពង្រឹងនិងអនុវត្តការងារយកចិត្តទុកដាក់លោកគ្រូអ្នកគ្រូបន្ថែមទៀត។